تبي الصراحه 00 ما اقدر اخليك 00
كـل القصايـد تنحني عنـد رجليــك
..... وأجيبهـا لـك يـا بعد كل غالــي
أحيا على قربك وصوتـك وطـاريـك
..... ودي بشـوفـك كـل لحظـه قبالي
والله أحــبك حـب ياقـلب مغـليــك
..... ويـزود حبك مـع مـرور الليالـي
أحلـف بـرب البيـت مـانيـب ناسيــك
..... وشلون أبنسى دنيتي وراس مالي
ودي أحطك في عـيونـي وأغطـيــك
..... وودي أنا اللي بس أشوفك لحالي
وماودي عيون الخـلايـق تـراعيـك
..... أخـاف تــلقى لـك حبيبــا ً بدالـي
حتى الهوى لامر من بيـن أيـاديــك
..... أقـول هـذا وش يبــي فـي حلالـي
أنا بمنامي ياهـوى القـلب أنـاديــك
..... صــورتك دايـم مـاتفارق خيالي
أن غبت عن عيـني بقـلبي ألاقيــك
..... وأن رحت عن قلبي فيا عزتالي
تبي الصراحه ما أقدر أبعد وأخليك
..... ينسانــي الله لا نسيتـك يا غالـي
الثلاثاء أغسطس 05, 2008 1:05 pm
