السلام عليكم ..
قصيده اعجبتني في قمة الجزاله .. تقول القصيده :
عليك الفرج يالله يا حي يا قيّوم
إلهٍ عباده كلها تلتفت يمه
ألا يا رفيقي والله انه عداك اللوم
أنا اللي علي اللوم في ذمتي ذمة
ولكن سامحني ترى العلم فيه علوم
ولا يفرح اللي بيننا ينقل النمّة
حصل ما حصل والعبد يصبر على المقسوم
ويدور الزمان ويخلف العزم والهمة
طراة الرجل لا لحقة من الزمان هموم
لا يدري بسدّه كود خيرة بني عمه
وسيع البنايد في الشدايد قوي عزوم
لا عضك زمانك شال همك مع همّه
وأنا والله أني ما اتهنى بحلو النوم
ورفيقي عليه هموم الأيام ملتمة
أشيل الحمل منه وأحطّه علي وأقوم
مقام يورد ظامي الماء على الجمة
لكن الزمان الشين ظالم وأنا المظلوم
على الهون يلي تمدح الوقت وتذمه
تهب الهبايب والسفن في البحور تعوم
وتقفي بها صلب الهبايب عن اليمة
هبوب تصافقها وبحر وسما ونجوم
وموج تقفاها العواصيف وتزمه
لـ الشاعر ، سلطان بن وسام الهاجري
الأربعاء ديسمبر 31, 2008 12:59 pm