أبتدي بسم الذي حنا عبيده
رب طيبه والحرم خالق عباده
وأستعيذه من مطبات القصيده
والبخل وخباث الانفس والقراده
اليالي درس والدنيا عنيده
مايطوعها ياكود أهل العباده
علم الي مجتهد حاجه وحيده
مو أكيد انه يبي يصيب اجتهاده
نختلف لاكن بوه حاجه أكيده
يفرق الجاهل بمن جاب الشهاده
والوليده مايعرف الا الوليده
وش يجمع هالبياض مع السواده
العرب تصنيف وأنواع عديده
مثل تصنيف الاماره والقياده
واحدن بالنفع ماينفع عضيده
أو واحد يضفي على ربعه ضماده
أو واحدن حتى كلامه مايجيده
أو واحدن قوله على عرف وركاده
أو واحدن فوده اليا جابه من ايده
أو واحدن لوغبت مايلحق مراده
او واحدن جيد ونظراته بعيده
أو واحدن قلبه تعود لرباده
من يعرف القلب مايجهل وريده
ومن يعرف الزرع مايجهل حصاده
الرخامه ماتجيب الا النقيده
والشجاعه ماتجيب الا السياده
قال ان هذال قولن نستفيده
الشجاعه عز والذله نقاده
غرني ناسن مجاليدن بليده
ينشدون الطب دكتور العياده
مايعدل بالحديد الا الحديده
وما كلى جنب البعير الا القراده
وما رجيت من الصفات الا الحميده
ومارجيت من الصبر غير السعاده
عزتي للي رحل ماهو فقيده
لاترك علمن وراه ولا عباده
الأربعاء ديسمبر 31, 2008 12:55 pm