الشوق يدفعني علـى بيـض الاوراق
من دون لشعر جيت ابا جر طـاروق
جيت ابدع القيفان من قلب مشتـاق
مشتاق ماشفه سوا شـوف غرنـوق
البارحه رعـاد مـع نـوض بـراق
والليل برد وراعـدن قبلـه ابـروق
وانا وحبري وازرق الدمـع منسـاق
حتى تجـرح خـد وانشقلـه مـوق
مدري كذا بس الاكيد انهـا اشـوق
للـي غلاهـا مايساويـه مخـلـوق
حبيبتـي والليـل بـارد وحــراق
في صدري اللي اصبح الجمر له طـوق
لاتنشديني كيف وشلـون الاشـواق
لاني عجزت اوصف وافسر لك الشوق
لاكن اكيدن مسكنك وسط الاعماق
ياللي غلاك ابداخل القلـب موثـوق
الأربعاء ديسمبر 24, 2008 12:56 pm
